ജില്ലാ അറബിക് അധ്യാപക സാഹിത്യ മത്സരം: കാസർകോട് ഉപജില്ലക്ക് ഹാട്രിക് കിരീടം
ഉദുമ: പൊതുവിദ്യാഭ്യസ വകുപ്പ് സംഘടിപ്പിക്കുന്ന ജില്ലാ അറബിക് അധ്യാപക സാഹിത്യ മൽസരത്തിൽ കാസർകോട് ഉപജില്ല 76 പോയിന്റ് നേടി മൂന്നാം തവണയും കിരീടം നേടി. 46 പോയിന്റുമായി ഹോസ്ദുർഗ് രണ്ടാം സ്ഥാനവും 41 പോയിന്റുമായി മഞ്ച്യേശരം മൂന്നാം സ്ഥാനവും നേടി. കോട്ടിക്കുളം അൽഫിത്വ്റ സ്ക്കൂളിൽ നടന്ന മൽസരം ഉദുമ പഞ്ചായത്ത് പ്രസിഡണ്ട് കെ.എ മുഹമ്മദലി ഉദ്ഘാടനം ചെയ്തു. ബേക്കൽ എ.ഇ.ഒ രവിവർമൻ അധ്യക്ഷത വഹിച്ചു. ബേക്കൽ ബി.പി.ഒ ശിവാനന്ദൻ മാസ്റ്റർ, വാർഡ് മെമ്പർ ചന്ദ്രൻ,കെ.എ.ടി.എഫ് സംസ്ഥാന സെക്രട്ടറി പി.മൂസക്കുട്ടി, കെ.എ.എം.എ സംസ്ഥാന പ്രസിഡണ്ട് കണ്ണൂർ അബ്ദുല്ല മാസ്റ്റർ,ഡോ: അബൂബക്കർ ,ഷീബ ബഷീർ,അബ്ദുസ്സലാം മാസ്റ്റർ എന്നിവർ ആശംസകൾ അർപ്പിച്ചു. പി. എം. അബ്ദു റൗഫ് സ്വാഗതവും ലത്തീഫ് മംഗലശ്ശേരി നന്ദിയും പറഞ്ഞു. സമാപന സമ്മേളനത്തിൽ കുളിക്കാട് കുഞ്ഞബ്ദുല്ല സമ്മാനദാനം നടത്തി. അബ്ദുസ്സലാം പുത്തൂർ , മാഹി ചെർക്കള,സുലൈമാൻ മാസ്റ്റർ, കെ അബ്ദുൽ മജീദ്, ടി.കെ ബഷീർ എന്നിവർ സംസാരിച്ചു
പത്രവാര്ത്ത |